महिलांचं भाग्य बदलणारी ‘लखपती दीदी’ योजना काय आहे? कसा करणार अर्ज?

lakhpati didi yojana

मुख्यमंत्री माझी लाडकी बहीण या योजनेची सध्या राज्यात चांगलीच चर्चा आहे. लाडकी बहीण’ योजनेप्रमाणेच ‘लखपती दीदी’ योजनेबाबतही राज्यात सध्या चर्चा आहे.

काय आहे पात्रता?

लखपती दीदी योजनेसाठी पात्रतेच्या अटी प्रत्येक राज्यांमंध्ये काही प्रमाणात वेगळ्या आहेत. पात्रतेचे सामान्य निकष खालीलप्रमाणे.

  • या योजनेसाठी फक्त महिलाच अर्ज करु शकतात
  • लाभार्थी महिला संबंधित राज्याची रहिवाशी असावी
  • त्या महिलेचे वार्षिक उत्पन्न 3,00,000 (तीन लाखांपेक्षा) कमी असणे आवश्यक.
  • महिलेचे वय 18 ते 50 दरम्यान असावे
  • या योजनेसाठी अर्ज करणारी महिला बचत गटाशी संबंधित असणे आवश्यक आहे.

कोणती कागदपत्र लागणार?

लखपती दीदी योजनेसाठी अर्ज करताना तुमच्याकडं आधार कार्ड (adhar card, पॅन कार्ड, उत्पन्न प्रमाणपत्र (income certificate), पत्त्याचा पुरावा, शैक्षणिक पात्रता प्रमाणपत्र, पासबूक, मोबाईल नंबर, पासपोर्ट फोटो असणे आवश्यक आहे.

महिला कशा होणार लखपती?

लखपती दीदी योजनेनुसार महिलांना वेगवेगळ्या प्रकारचे कौशल्य शिकवले जाणार आहेत. या ट्रेनिंगच्या दरम्यान महिलांना स्वत:चा व्यवसाय सुरु करण्यासाठीही टिप्स दिले जातील.

त्याचबरोबर आर्थिक विषयांची माहिती देण्यासाठी वर्कशॉप्स, बिझनेस प्लॅन, मार्केटिंग, बजेट, सेव्हिंग आणि गुंतवणुकीची माहिती दिली जाते.

त्याचबरोबर व्यवसासाठी तंत्रज्ञानाच्या वापरासह डिजिटल बँकिंग सर्विस, मोबाईल वॉलेट आणि फोन बँकिंगबद्दल देखील महिलांना प्रशिक्षण दिले जाते.

अर्ज कसा करणार?

लखपती दीदी योजनेसाठी अर्ज करण्यासाठी महिलांना ‘स्वयं मदत गट’ व्यवसाय योजना तयार करावी लागेल. व्यवसायाचा आराखडा तयार झाल्यानंतर बचत गट योजना आणि अर्ज सरकारकडं पाठवण्यात येईल.

या अर्जाची छाननी आणि पुनरावलोकन केलं जाईल. सर्व पात्रतेचे निकष पूर्ण करणाऱ्या महिला या योजनेसाठी पात्र होतील. एकूण 3 कोटी महिलांना या योजनेचा लाभ देण्याची केंद्र सरकारची योजना आहे.

Leave a comment